आबुँखैरेनी, माघ १९
आबुँखैरेनी गाउँपालिकाको आयोजनामा शनिबार सम्पन्न भएको आबुँखैरेनी गाउँपालिका दोश्रो अध्यक्ष कप भलिवल प्रतियोगिताको उपाधी इलाका प्रहरी कार्यालय आबुँखैरेनीले जितेको छ ।
‘स्वास्थ्यका लागि खेलकँुद, राष्ट्रका लागि खेलकुँद’ भन्ने नाराका साथ माघ १८ गतेदेखी आयोजित उक्त प्रतियोगितामा वडा नम्बर ३ को टिम उपबिजेता भएको थियो । रामशाह माविको खेलमैदानमा सम्पन्न भएको उक्त प्रतियोगितामा १२ टिमको सहभागिता रहेको थियो ।
बिजेता र उपबिजेता टिमलाई आबुँखैरेनी गाउँपालिकाका अध्यक्ष शुक्र चुमानले नगद पुरस्कार, ट्रफि, मेडल र प्रमाणपत्र प्रदान गरेका थिए । सो कार्यक्रममा अध्यक्ष चुमान, उपाध्यक्ष दुर्गा अर्याल, प्रमुख प्रशासकीय अधिकृत विष्णुप्रसाद शर्मा, शिक्षा अधिकृत निर्मला कुँवर लगायतले मन्तव्य राखेका थिए ।
