अन्जान परियार । घिरिङ, माघ २६
घिरिङ गाउँपालिकामा सन्चलान भएको निशुल्क आँखा जाँच शिविरबाट ८ सय ५१ जनाले आँखा परिक्षण गराएका छन् । उनिहरु मध्य ३३ जनामा मोतिबिन्दुका बिरामी भेटिएको हो । शिविरको पहिलो दिन २३ गते वडा नम्बर ५ स्थित कामधेनु माध्यमिक बिधालय प्राङ्गणमा ४१७ जनाको परिक्षणमा २० जना मोतिबिन्दु र १५ जना जलबिन्दु भेटिएको थियो । यसैगरी २४ गते वडा नम्बर २ को राष्ट्रिय माध्यमिक बिधालयमा २ सय ८४ जनाको परिक्षणमा १० जनामा मोतिबिन्दु भेटिएको थियो भने वडा नम्बर ३ को चन्द्रज्योति माध्यमिक बिधालयमा १५० जनाको परिक्षणमा ३ जनामा मोतिबिन्दु भेटिएको हो ।
उक्त शिविरबाट मोतिबिन्दु प्रमाणित भएका ३३ जना मध्य २६ जनाको सुन्धारा स्वास्थ्य चौकिमा सल्यक्रिया गरिएको हो । सल्यक्रियामा सहभागी नभएका ७ जना बिरामिको हिमालय आँखा हस्पिटल घारिपाटन गएर उपचार गर्न सकिने गाउँपालिकाका स्वास्थ्य शाखा प्रमुख कृष्ण रिमालले जनाए । सो शिविर बाट आँखा कमजोर भएकालाई निशुल्क चस्मा र औषधि समेत बितरण गरिएको थियो ।
घिरिङ गाउँपालिकाको आयोजना तथा नेपाल नेत्र ज्योति संघ हिमालय आँखा अस्पताल पोखराको प्राविधिक सहयोगमा माघ २३ देखि २५ गते सम्म संचालन भएको शिविरको शनिबार समापन कार्यक्रम गरिएको थियो । वडा नं ३ का वडा अध्यक्ष तहल सिंह थापाको अध्यक्षतामा भएको कार्यक्रममा गाउँपालिकाका अध्यक्ष होम बहादुर थापाले सल्यक्रिया गरेका बिरामीहरुलाई जुस र बिस्कुट दिएर सम्मान गरेका थिए ।
अध्यक्ष थापाले गाउँका नागरिकहरु केही आर्थिक अभावका कारण र केहिले टाढाको सवारी यात्रामा कठिनाईका कारण रोग सहेर तथा लुकाएर बस्ने भएको कारण प्रत्येक बर्ष वडा–वडामा निःशुल्क स्वास्थ्य शिविर आयोजना गर्दै आएको बताए । आगामी दिनमा पनि यस्तै अन्य प्रकारका शिविर सन्चालन गर्ने प्रतिबद्धता गरे ।
