तनहुँ । बैशाख २
म्याग्दे गाउँपालिकाले सुत्केरी गाई भैंसीलाई पोषण खर्च दिने भएको छ । चालु आर्थिक वर्षको स्विकृत कार्यक्रम अन्तर्गत गाउँपालिका भित्रका सुत्केरी गाई भैंसीलाई पोषण खर्च उपलब्ध गराइने गाउँपालिकाले जनाएको छ ।
उक्त कार्यक्रमको लागि गाउँपालिकाले ७ लाख ५० हजार रुपैयाँ बजेट विनियोजन गरेको प्रमुख प्रशासकीय अधिकृत नारायणप्रसाद अधिकारीले बताए ।
उक्त रकम प्राप्त गर्न कृषकले आफ्नो अन्य कागजात सहित सुत्केरी गाई भैंसी र उसबाट जन्मिएको बाच्छा÷बाच्छी वा पाडा÷पाडी सँगै देखिने गरि फोटो खिचेर उपलब्ध गराउनुपर्ने गाउँपालिकाले जनाएको छ ।
यस्तै म्याग्देले पशु विमा प्रिमियममा २० प्रतिशत रकम अनुदान समेत उपलब्ध गराउने भएको छ ।
