तनहुँ । बैशाख २
गत चैत ३० गते म्याग्दे गाउँपालिका वडा नम्बर १ फुस्रेखोला स्थित पृथ्वीराजमार्ग सडकखण्डमा ग २५ प ५५२२ नम्बरको स्कुटरलाई ठक्कर दिई फरार रहेको ग १ ख ५८७५ नम्बरको टिप्परका चालकलाई प्रहरीले पक्राउ गरेको छ । पक्राउ पर्नेमा म्याग्दे गापा–३ का २९ बर्षीय रोशन श्रेष्ठ रहेका छन् ।
उक्त दुर्घटनामा स्कुटर चालक जिल्ला व्यास नपा वडा नम्बर ६ बस्ने १८ वर्षीय मनिस आले मगरको मृत्यु भएको थियो । सो घटनामा उक्त स्कुटरमा पछाडी सवार सोही ठाउँकी १५ वर्षीया अनिषा आले मगर घाईते भएकी थिइन् ।
उक्त दुर्घटना पश्चात् टिप्पर चालक फरार रहेका थिए । उनलाई बैशाख १ गते सोमबार पक्राउ गरि मंगलबार जिल्ला अदालतबाट अनुसन्धानकोलागि म्याद थप गरिएको जिल्ला प्रहरी कार्यालय तनहुँका डिएसपी तथा सुचना अधिकारी अशोक थापाले जानकारी दिए ।
