देवघाट । असार, ४
देवघाट गाउँपालिकाले अनुगमन तथा भ्रमण शिर्षकमा एक वर्षमा २५ लाख खर्च गरेको छ । आर्थिक वर्ष २०८०/८१ मा गाउँपालिकाले अनगमन मूल्याङ्कन तथा भ्रमण खर्च शीर्षकमा रु २५ लाख खर्च गरेको छ ।
तर भ्रमणको उद्धेश्य, अनुगमन तथा भ्रमण प्रतिवेदन, भ्रमण अभिलेख, दूरीको विवरण, सवारी साधनको टिकट भने राखेको पाइएको छैन । जसले गर्दा अनुगमन तथा भ्रमणको सही सदुपयोग भएको छ भन्ने आधार नरहेको महालेखा परिक्षकको कार्यालयको प्रतिबेदनले जनाएको छ ।
खर्चका परिमाण हेर्दा भौचर साथ बिल मात्र पेश भएकामा सो खर्च कुन कार्यक्रमसँग सम्बन्धित हो सोको प्रयोजन नखुलेको महालेखा परीक्षकको प्रतिवेदनमा उल्लेख छ । यस्तो प्रवृत्तिमा नियन्त्रण गरी कार्यविधिबाट व्यवस्थित गरेरमात्र मितव्ययि तरिकाले खर्च गर्नुपर्ने उल्लेख छ ।
यसैगरि देवघाट गाउँपालिकाले उक्त आर्थिक वर्षमा खाना तथा खाजामा मात्रै १२ लाख भन्दा बढी खर्च गरेको छ । विविधि शीर्षकबाट खाना खाजामा रु १२ लाख ८० हजार खर्च गरेको हो
स्थानीय सरकार सञ्चालन ऐन, २०७४ को दफा ७१ बमोजिम व्ययको बजेट अनुमान आन्तरिक आयको परिधिभित्र रही औचित्यको आधारमा विविध खर्च गर्नुपर्ने व्यवस्था रहेको छ।
