विष्णु मगर । देवघाट, असार ४
देवघाट गाउँपालिका–४ का ५२ बर्षीय शुकलाल भुजेल विरामी भइ ओच्छ्यानमै अलपत्र अबस्थामा छन् । ३ वर्ष अघि रुखबाट खसेर मेरुदण्ड भाँचिएपछि त्यसयता भुजेल ओच्छ्यान परेका हुन् ।
आर्थिक अवस्था निकै कमजोर भएका उनको उपचार गर्न नसकेपछि उनी घरमै थलिएका हुन् । उनी पिसाब पाइपबाट नै गर्ने गरेका छन् । मेरुदण्ड भाँचिएर अप्रेरेसन गरेपछि पनि उनको कम्मर देखि तलको भाग नसा च्यापिएको घर ल्याएर राख्दा भुजेलको मलद्धारा नजिकै घाउ आएको वडा नम्बर ४ को वडा सदस्य वुद्धिमान भुजेलले बताए ।
भुजेलको उपचारमा आर्थिक अभाव भएपछि थप उपचार गर्न नपाएको वडा सदस्य भुजेलले बताए । चिकित्सकले भुजेललाई एक वर्ष अस्पतालमै बसेर उपचार गर्नुपर्ने बताएका छन् ।
अप्रेसन गर्दाको क्रममा पनि आर्थिक सहयोग जुटाएर अप्रेसन गरेको भुजेलले बताए । रकम जुटाउन सके आफू निको हुन पाउने शुकलाल भुजेलले बताए । आफ्नो उपचारकोलागि आर्थिक सहयोग गरिदिन हुन भुजेलले अनुरोध समेत गरेका छन् ।
