देवघाट । साउन २४
देवघाट क्षेत्र विकास समितिको अध्यक्षमा डा.इश्वरी राज लौडारी नियुक्त भएका छन् । संस्कृति पर्यटन तथा नागरिक उड्ययन मन्त्री बद्रीप्रसाद पाण्डेले शुक्रबार मन्त्रीस्तरीय निर्णयबाट लौडारीलाई अध्यक्ष नियुक्त गरेका हुन् ।
यस अघि प्राध्यापन पेशामामा आवद्ध लौडारी भरतपुरको बिरेन्द्र बहुमुखी क्याम्पसमा प्राध्यापन समेत गरिसकेका छन् । उनी नेपाली काँग्रेस चितवनका नेता हुन् ।
मन्त्री पाण्डेले मन्त्रीस्तरीय निर्णयबाट क्षेत्र विकास समितिको सदस्यहरुमा तनहुँबाट रामहरि पुडासैनी र इन्द्रमाया थापा मगर, चितवनबाट चन्द्रमित्र पण्डित र लक्ष्मण सुवेदी तथा नवलपुरबाट सालिकराम सापकोटा र यू कुमारी शर्मालाई नियुक्त गरेका छन् ।
समितिको अध्यक्ष छनौट गर्न नसक्दा लामो समयसम्म समिति गठन हुन सकेको थिएन ।
