काठमाडौं । असोज ६
वर्तमान अन्तरिम सरकारमा थप चार मन्त्री नियुक्त भएका छन् । प्रधानमन्त्री सुशिला कार्कीको सिफारिसमा राष्ट्रपती रामचन्द्र पौडेलले अनिल सिन्हा, महाबिर पुन, मदन परियार र जगदिश खरेललाई मन्त्रीमा नियुक्त गरेका थिए । नवनियुक्त मन्त्रीहरुको सोमबार नै सपथ ग्रहण भएको छ ।
प्रधानमन्त्री कार्कीले मन्त्रीहरुको कार्यविभाजन समेत गरेकी छिन् । जस अनुसार प्रधानमन्त्री कार्कीले परराष्ट्र, रक्षा, खानेपानी, महिला बालबालिका तथा जेष्ठ नागरिक, युवा तथा खेलकुँद, वन तथा वातावरण, श्रम रोगजार तथा सामाजिक सुरक्षा, संस्कृती पर्यटन तथा नागरिक उड्ययन र स्वास्थ्य तथा जनसंख्या मन्त्रालयको जिम्मेबारी आफैसँग राखेकी छिन् ।
त्यसैगरि रामेश्वर खनाल, अर्थ, संघीय मामिला तथा सामान्य प्रशासन मन्त्री, कुलमान घिसिङ उर्जा, जलश्रोत तथा सिंचाई, भौतिक पुर्वाधार तथा यातयात र शहरी विकास मन्त्री, ओमप्रकाश अर्याल गृह मन्त्री, अनिल कुमार सिन्हा उद्योग वाणिज्य तथा आपुर्ती, कानुन न्याय तथा संसदीय मामिला, भुमी व्यवस्था सहकारी तथा गरिबी निवारण मन्त्री, महाबिर पुन शिक्षा विज्ञान तथा प्रविधि मन्त्री, मदन प्रसाद परियार कृषि तथा पशुपन्छी विकास मन्त्री र जगदिश खरेल सुचना तथा सन्चार प्रविधि मन्त्री रहेका छन् ।
