तनहुँ । असोज २७
गएको भदौ २३ गतेको आन्दोलनका क्रममा भागेका तनहुँ कारागारका ९४ जना कैदी बन्दी अझै सम्पर्क बाहिर रहेका छन् । कारागार व्यवस्थापन विभागले सार्वजानिक गरेको विवरण अनुसार तनहुँ कारागारका ९४ जना कैदी बन्दी अझै सम्पर्क बाहिर रहेका छन् । देशभरका फरार ६ हजार भन्दा धेरै कैदी बन्दी मध्ये तनहुँ कारागारका ९४ जना रहेका छन् । कारागार व्यवस्थापन विभागले वेबसाइटमार्फत कैदीबन्दीको नामावलीसहितको विस्तृत विवरण सार्वजनिक गरेको हो ।
जेन जी आन्दोलनको क्रममा भदौ २३ गते साँझ तनहुँ कारागारबाट ३२७ जना कैदी बन्दी भागेका थिए । ति मध्ये केही फर्केर आएका थिए भने केहीलाई प्रहरीले पक्राउ गरेको थियो ।
फरार कैदी बन्दीमा अधिकांश गम्भिर प्रकृतिका मुद्धाका रहेका छन् । यिनीहरु मध्ये ३० जना जबरजस्ती करणी मुद्धाका, २६ जना लागु औषध मुद्धाका र १० जना कतव्र्यज्यान मुद्धाका रहेका छन् । त्यसबाहेक केही चोरी, ज्यान मार्ने उद्योग लगायतका मुद्धाका रहेका छन् ।
कारागार व्यवस्थापन विभागका अनुसार फरार कैदीबन्दीहरूको खोजी तथा पक्राउ अभियानलाई अझ नियमित, सशक्त र समन्वयात्मक रूपमा अघि बढाउने निर्णय भएको छ । विभागले फरार कैदीबन्दीहरूलाई लुकाउने, छिपाउने वा आश्रय दिने व्यक्तिलाई समेत कसुरदार ठानी प्रचलित कानुनबमोजिम कारबाही गर्ने चेतावनी दिएको छ ।
