तनहुँ । कार्तिक ९
नेपाल प्रिमियर लिग (एनपिएल) को ट्रफी सोमबार दमौलीमा परेड गरिने भएको छ । एनपिएलको दोस्रो संस्करण सुरु हुनुअघि सातवटै प्रदेशमा ट्रफी परेड गराउने कार्यतालिका बमोजिम सोमबार दमौली बजारमा ट्रफी प्रर्दशन गर्न लागिएको हो ।
उक्त ट्रफी दमौलीमा आज दिउँसो १२ः३० बजे दमौली बजारमा सार्वजनिक गर्ने कार्यक्रम रहेको पोखरा एभेन्जर्सका अध्यक्ष सुबोध त्रिपाठीले बताए । पोखरा एभेन्जर्सले गण्डकी प्रदेशका विभिन्न जिल्लाहरूमा ट्रफी परेड गराउन नवलपुरको गैडाकोट, गोर्खाको मनकामना हुँदै ट्रफी दमौली ल्याउन लागेका हो ।
ट्रफी सार्वजनिक कार्यक्रममा सहभागी हुन पोखरा एभेन्जर्सले शुभचिन्तकहरूलाई अनुरोध गरेको छ ।
