तनहुँ । कार्तिक ९
पृथ्विराजमार्गको डम्पिङ साईट क्षेत्रमा २ घन्टा यातयात बन्द हुने भएको छ । तनहुँ जिल्ला भित्र पर्ने पृथ्वी राजमार्ग (आँबुखैरेनी–मुग्लीङ सडक खण्डको डम्पिङ साइट क्षेत्र) को आँबुखैरेनी गाउँपालिका वडा नम्बर ४ साँखरमा पहिरो नियन्त्रण कार्यका लागि भुकम्प प्रतिरोधकता अध्ययन गर्नुपर्ने भएकोले कार्तिक १० गते राती १२ बजेदेखी २ बजेसम्म उक्त सडक खन्ड बन्द गरिने भएको छ ।
उक्त पहिरोको कारण खोज्न प्राविधिक अध्ययन गर्नुुपर्ने भएकोले उक्त दुई घन्टाको अवधिभर यातायात सञ्चालन गर्न नमिल्ने भएको हुँदा उक्त समयावधिभर सडक अवरुद्ध जिल्ला प्रशासन कार्यालय तनहुँले जनाएको छ ।
गत कार्तिक १९ गते उक्त सडकको साँखरमा पहिरो गएपछि सो स्थानमा यातयात एकतर्फी भएको छ । सडकमा अत्याधिक सवारीको चापले उक्त स्थानमा घन्टौंसम्म जाम पर्न थालेको छ । ५ वर्ष अघि पहिरो गएको उक्त स्थानमा वाल उठाएर यातयात सन्चालन गरिएको थियो । अहिले उक्त वाल भत्किएको थियो ।
