तनहुँ । कार्तिक १४
नेकपा एमाले तनहुँ जिल्ला कमिटिको लेखा कमिटिका उपाध्यक्ष तथा नेपाल निजामती कर्मचारी संगठनका पुर्व केन्द्रीय सदस्य एवं पुर्व जिल्ला अध्यक्ष रामचन्द्र पण्डितको निधन भएको छ । पण्डितको ६० बर्षको उमेरमा शुक्रबार विहान उपचारको क्रममा अस्पतालमा निधन भएको हो ।
पण्डितको शुक्रबार चितवनको देवघाटमा अन्तिम संस्कार गरियो । पण्डितको पार्थिव शरिरमा नेकपा एमालेका केन्द्रीय सल्लाहाकार हरि सापकोटा र नेकपा एमाले तनहुँ जिल्ला कमिटिका अध्यक्ष हरिराज कंडेलले पार्टीको झण्डा ओढाएका थिए भने नेपाल निजामती कर्मचारी संगठन तनहुँ, चितवन र नवलपुरका अध्यक्षहरुले संयुक्त रुपमा संगठनको झण्डा ओढाएका थिए ।
पण्डित हाल चितवनको भरतपुर महानगरपालिका–९ बरालमार्गमा बस्दै आएका थिए । पण्डित लामो समयदेखी मृगौला सम्बन्धी समस्याबाट पीडित थिए । उनको आमा, श्रीमती, २ छोरी र १ छोरी छन् ।
नेकपा एमाले तनहुँ जिल्ला कमिटिका सचिव त्रिभुवन श्रेष्ठ तथा नेपाल निजामती कर्मचारी संगठन तनहुँका अध्यक्ष भगवान त्रिपाठीले शोक विज्ञप्ति प्रकाशित गरि पण्डितको निधनप्रति दुख व्यक्त गरेका छन् ।
