तनहुँ । मंसिर १६
व्यास नपा १४ छाब्दी निवासी युवा अभियन्ता अविनास पन्थको सक्रियतामा म्याग्दे गाउँपालिका–३ स्थित पसले आधारभुत विद्यालयका २० जना विद्यार्थीलाई न्यानो स्वेटर वितरण गरिएको छ ।
गत तिहारमा देउसी भैलोबाट संकलित रकमबाट खरिद गरि पन्थले मंगलबार विद्यालयमा आयोजित कार्यक्रममा विद्यार्थीहरुलाई स्वेटर वितरण गरेका हुन् ।
युवा अभियन्ताको पहिचान बनाएका पन्थले देउसी–भैलोबाट संकलित रकम तथा मनकारी व्यक्तिहरुले प्रदान गरेको रकम मार्फत विद्यार्थीहरुलाई न्यानो कपडा वितरण गरेका हुन् । पन्थले यस अघि पनि विभिन्न विद्यालयमा न्यानो कपडा र स्टेशनरी सामाग्री वितरण गरेका थिए ।
