तनहुँ । चैत २९
तनहुँ जलविद्युत आयोजनाद्वारा ऋषिङ गाउँपालिका–८ पल्ट्याङस्थित मस्टो लाफा भेजा (महिला समूह) का सदस्यहरूलाई लक्षित गरी सञ्चालन गरिएको दुई दिने बेमौसमी तरकारी खेती सम्बन्धि तिन दिने तालिम तथा एक दिने वित्तीय साक्षरता सम्बन्धि तालिम शनिबार सम्पन्न भएको छ ।
जलविद्युत आयोजना प्रभावितहरूको जीविकोपार्जन पुनस्र्थापना र आयआर्जन वृद्धि गर्ने उद्देश्यसहित सञ्चालन गरिएको उक्त तालिममा मगर समुदायका १७ महिला ३ पुरुष गरि २० जनाको सहभागिता रहेको थियो ।
तालिमअन्तर्गत सहभागीहरूलाई हाते ट्याक्टर, बीउविजन, टनेल खेतीका आवश्यक उपकरण, हजारी लगायतका सामग्री उपलब्ध गराईएको थियो । आयोजनाले यसअघि पनि प्लम्बिङ, इलेक्ट्रिसियन, सिलाइ बुनाई, बाख्रापालन, तरकारी खेती तथा वित्तीय साक्षरता जस्ता विभिन्न सीपमूलक तालिमहरू सञ्चालन गर्दै आएको छ ।
आयोजना प्रभावितहरुको जीविकोपार्जन पुनस्र्थापना तथा आयआर्जन बृद्धिका लागि हालसम्म ३० वटा क्रियाकलाप सञ्चालन गरिएको छ । जसबाट ३३९ पुरुष र २७९ महिला गरि ६१८ जना लाभान्वित भएको तनहुँ जलविद्युत् आयोजनाले जनाएको छ ।
