विष्णु मगर । देवघाट, बैशाख १२
देवघाट गाउँपालिका वडा नम्बर ५ सुन्दरशिल टोल मा निर्माण भईरहेको दुर्गा मन्दिरको लागि भरतपुर महानगर पालिका वडा नम्बर २ प्रगतिपथ निवासी हर्क क्षेत्री कार्कील एक लाख ५५ हजार रुपैयाँ सहयोग गरेका छन् । कार्कीले मन्दिर निर्माणको लागि ५५ हजार र मन्दिरको गजुर आफ्नो नाउँमा राख्नको लागि एक लाख गरि एक लाख ५५ हजार रुपैयाँ उपलब्ध गराएको मन्दिर व्यवस्थापन समितिका अध्यक्ष प्रविण कार्कीले बताए ।
मन्दिर निर्माणकोलागि गत वर्ष भएको देवघाट महा–महोत्सवको समयमा ८ दिनमा २८ लाख रुपैयाँ दान रकम संकलन भएको कार्कीले जानकारी दिए । तिन रोपनी क्षेत्रफलमा निर्माण हुने उक्त मन्दिरको डिपिआर अनुसारको निर्माण लागत २ करोड ४६ लाख हुने कार्कीले बताए ।
उक्त मन्दिर विश्व जागरण महाअभियान ट्रष्टका तथा मातापिता सेवा आश्रमका संरक्षक एवं परिकल्पनाकार लोकप्रिय भागवत कथावाचक इश्वरकृष्ण महाराजले शिलान्यास गरेका थिए । शिलान्यासको क्रममा इश्वरकृष्णले मन्दिर निर्माणको लागि एक लाख रुपैयाँ हस्तान्तरण गरेका थिए ।
