तनहुँ । बैशाख १५
म्याग्दे गाउँपालिकाकामा कृषि तथा जलवायु सुचना केन्द्र स्थापना हुने भएको छ । यस सम्बन्धि सम्झौता पत्रमा मंगलबार हस्ताक्षर भएको छ ।
स्थानीय समुदाय तथा विशेष गरी कृषकहरुलाई समयमा नै मौसम तथा जलवायु सम्बन्धि सूचना उपलब्ध गराउने उद्देश्यले चिल्ड्रेन नेपाल र गाउँपालिकाको सहकार्यमा कृषि तथा जलबायु सूचना केन्द्र स्थापना गरिने भएको हो ।
उक्त कार्यक्रम सञ्चालनको लागि आवश्यक आर्थिक सहयोग चिल्ड्रेन नेपालबाट व्यवस्थापन हुने म्याग्दे गाउँपालिकाका प्रमुख प्रशासकीय अधिकृत नारायणप्रसाद अधिकारीले बताए । उक्त सुचना केन्द्र स्थापना पछि कृषकहरुलाई मौसमजन्य असरबारे पुर्व संकेत दिने, दैनिक तापक्रमको जानकारी दिने तथा मौसम जन्य घटनाको जानकारी प्राप्त हुनेछ ।
यसको लागि गाउँपालिकाको कृषि शाखा केन्द्रमा सुचना केन्द्र स्थापना तथा तथा मौसमको पुर्व जानकारी दिने प्रणाली स्थापना गरिने भएको छ । उक्त प्रणालीले बाढी, अतिबृष्टि तथा खडेरीको बारेमा पनि जानकारी दिनेछ । जसले कृषकहरुलाई कुन समयमा कस्तो खेती लगाउने भन्ने जानकारी प्राप्त हुने र लाभ लिन सक्ने जनाईएको छ ।
सम्झौता पत्र हस्तान्तरण कार्यक्रममा गाउँपालिकाका अध्यक्ष श्रेष्ठ, उपाध्यक्ष बालकृष्ण घिमिरे, प्रमुख प्रशासकीय अधिकृत अधिकारी तथा चिल्ड्रेन नेपाल संस्थाका प्रतिनिधिहरुको उपस्थिती रहेको थियो ।
