तनहुँ । बैशाख १५
म्याग्दे गाउँपालिकाले आगामी आर्थिक वर्षको बजेटको पुर्व तयारी थालेको छ । मंगलबार गाउँपालिकाको सभाहलमा कार्यक्रम आयोजना गरि आगामी आर्थिक वर्ष २०८३/०८४ को प्रारम्भीक बजेट पूर्वतयारीको बारेमा छलफल गरेको हो ।
आगामी आर्थिक वर्षमा बजेटमा सम्बोधन गर्नुपर्ने विषयहरुको बारेमा उक्त कार्यक्रममा सुझाव लिईएको थियो । सबैको सुझावबाट आगामी आर्थिक वर्षको बजेटमा सबैको अपनत्व हुने गरि बजेट तयार गर्न सहयोग पुग्ने प्रमुख प्रशासकीय अधिकृत नारायणप्रसाद अधिकारीले बताए । म्याग्दे गाउँपालिकाले वडास्तरमा पनि बजेटको पुर्व तयारी र छलफल गर्ने भएको छ ।
उक्त कार्यक्रममा गाउँपालिकाका अध्यक्ष श्रीप्रसाद श्रेष्ठले पुर्व तयारीले बजेट निर्माणमा सहयोग पुग्ने र बजेटमा सबैको भवना सम्बोधन हुने अपेक्षा गरे ।
सो कार्यक्रममा गाउँपालिकाका स्थानीय नागरिक, बुद्धिजिवी, राजनीतिक दलका पदाधिकारीहरु तथा सरोकारवाला नागरिकहरुको उपस्थिति रहेको थियो । कार्यक्रममा प्रमुख प्रशासकीय अधिकृत अधिकारीले बजेटको सिलिङको बारेमा जानकारी गराएका थिए ।
