देवघाट । बैशाख २७
देवघाट गाउँपालिका र सुर्य नेपाल प्रालिको संयुक्त आयोजनामा वडा नम्बर २ र ३ का विभिन्न स्थानमा नसर्ने रोगहरु सुगर, प्रेसर, मुटुको धडकन लगायत रोगको स्क्रिनिङ तथा समुदाय स्तरमा सचेतना कार्यक्रम हुने भएको छ ।
उक्त स्वास्थ्य शिविर बैशाख २९ गते वडा नम्बर २ को बैदी स्वास्थ्य चौकीमा, बैशाख ३० गते वडा नम्बर २ कै खाल्टे सामुदायिक स्वास्थ्य इकाईमा र बैशाख ३१ गते वडा नम्बर २ को कार्यालय ब्यागनमा हुने भएको छ ।
त्यस्तै जेठ १ गते वडा नम्बर ३ को कार्यालय ल्हुङग्रिङमा, जेठ २ गते वडा नम्बर ३ कै महिला स्वास्थ्य स्वंयसेविका टकमायाको घरमा र जेठ ३ गते छिपछिपे स्वास्थ्य चौकीमा उक्त स्वास्थ्य शिविर हुने देवघाट गाउँपालिकाका स्वास्थ्य शाखाका प्रमुख प्रदिपकुमार बुढाथोकीले जानकारी दिए ।
सो शिविरमा सुगर परिक्षण, इसिजि, युएसजी, लगायतको परिक्षण तथा नसर्ने रोग सम्बन्धि सचेतना कार्यक्रम हुने बुढाथोकीले बताए । सो शिविरमा उपस्थित भई लाभ लिन बुढाथोकीले अनुरोध गरेका छन् ।
