तनहुँ । असार ६
शुक्लागण्डकी नगरपालिकाले हलगोरु पाल्ने किसानलाई अनुदान दिन थालेको छ । २०८२ चैतमा सूचना प्रकाशित गरेर अनुदानका लागि आह्वान गरेको नगरपालिकाले बिहीबारदेखि वितरण थालेको हो।
नगरपालिकाले शुक्लागण्डकी–१२ का हलगोरु पाल्ने किसानलाई अनुदान वितरण गरेको छ । ३९ जना किसानलाई ५ हजार रुपैयाँका दरले अनुदान वितरण गरिएको छ । शुक्लागण्डकी–१२ का वडाध्यक्ष इन्द्र गुरुङ, पशु सेवा शाखाका प्रमुख झलककृष्ण भण्डारी, पशु स्वास्थ्य प्राधिविक हरिप्रसाद अधिकारी लगायतको टोलीले किसानलाई अनुदान वितरण गरे ।
सुरुमा १० हजार रुपैयाँ दिने भनिएपनि बजेटको अभाव भएपछि ५ हजार रुपैयाँमा झारिएको छ । आवेदन माग गरेपछि शुक्लागण्डकीभरका ४३५ किसानले आवश्यक कागजपत्रसहित पेश गरेका थिए ।
