सडक सुधारको माग गर्दै सडक कार्यालयमा घेराउ

Devghat Online

शेयर गरौ

शुक्लागन्डकी नगरपालिकाको दुलेगौंडा र गाछेपानीका नागरिकहरुले पृथ्वीराजागमार्गको दुलेगौंडा–कोत्रे खण्डको सडक सुधारको माग गर्दै बुधबार डिभिजन सडक कार्यालय तनहँु घेराउ गरेका छन् । करिब एक सयको संख्यामा आएका स्थानीयबासिन्दाहरुले सडकको उक्त खण्ड जिर्ण हुँदा दैनिक जसो दुर्घटना भएको तथा धुलो र हिलोले बस्न नसक्ने अवस्था भएको कारण तत्काल सडक सुधारको माग गरेका हुन् ।
सडक विग्रिएको लामो समय भईसक्दा पनि मर्मतकोलागि कुनै पहल नगरेको हुँदा आफुहरु कार्यालय घेराउ गरेको स्थानीय शंकर पन्तले बताए । पटक पटक अनुरोध गर्दा पनि सडक मर्मत गर्न सम्बन्धित निकायले कुनै पहल नगरेको कारण बाध्य भएर दमौली आउनु परेको उनले बताए ।
दुलेगौंडाका व्यवसायी हरि रिमालले उक्त सडक जिर्ण हुँदा दैनिक जसो दुर्घटना हुने र त्यसले आफ्नै आँखा अगाडी मानवीय क्षती भएको देख्नु परिरहेको तथा पानी पर्दा हिलो र पानी नपर्दा धुलोले गर्दा घरमा बस्नै नसक्ने अवस्था पनी भएको बताए । उनले सडक मर्मतको यथार्थ जानकारी गराउन कार्यालयसँग आग्रह गरे । कार्यालय घेराउ गरेका स्थानीयबासीले एक घन्टा कार्यालय प्रमुखलाई कार्यकक्षमै बन्धक समेत बनाएका थिए ।
उनीहरुले आफ्नो मागको बारेमा जानकारी दिन प्रतिनिधि सभा तनहुँ क्षेत्र नम्बर २ का सांसद केदार सिग्देललाई पनि सडक कार्यालयमै बोलाएका थिए । सांसद सिग्देलले पनि उक्त सडक मर्मतको काम यथासिघ्र गर्न कार्यालयका कर्मचारीको ध्यानाकर्षण गराएका थिए । काम नगर्ने ठेकेदारलाई सँधै पर्खेर बस्ने भन्दा पनि उसलाई कालोसुचीमा राखेर काम अगाडी बढाउनु पर्ने सांसद सिग्देलको भनाई थियो । देशको मुख्य पर्यटकीय राजधानी पोखरा जाने मुख्य सडक पृथ्वीराजमार्ग जिर्ण हुँदा यात्रु तथा पर्यटकहरुमा नराम्रो सन्देश जाने हुँदा सडक सुधार र मर्मतको कामलाई तिब्रता दिनु पर्ने सांसद सिग्देलको भनाई थियो ।
उक्त खण्ड जिर्ण भएपछि डिभिजन सडक कार्यालयले ४ किमि सडक मर्मत गरि कालोपत्रे गर्न २०७३ साउन १२ गते निर्माण व्यवसायीसँग सम्झौता गरेको डिभिजन सडक कार्यालय तनहँुका प्रमुख विष्णु काफ्लेले बताए । आठ महिनाको सम्झौता अवधिमा कुनै काम नगरेपछि दोश्रो पटक २०७४ कार्तीक १२ गते पुनः म्याद थपिएको भन्दै काफ्लेले अव भदौ १५ गते भित्र काम गर्न उपस्थित नभए ठेक्का सम्झौता तोड्ने बताए ।
काठमाडौं स्थित रोशन सिद्धगढी जेभीसँग २ करोड ७१ लाख ६८ हजार ८०२ रुपैयाँको लागतमा उक्त ४ किमि खण्ड कालोपत्रे गर्ने सम्झौता भएको थियो । दोश्रो पटक थपिएको म्यादमा पनि कुनै काम नभएपछि कार्यालयले २०७५ चैत २५ गते उक्त निर्माण कम्पनीसँग स्पष्टिकरण समेत लिएको कार्यालयका सुचना अधिकारी इन्जिनियर सचिन श्रेष्ठले बताए । त्यसपछि पनि निर्माण कम्पनीको स्थलगत उपस्थित नभएपछि पुनः गत साउन २९ गते १५ दिनको म्याद दिई अन्तिम पटक ताकेता गरिएको र भदौ १५ गते भित्र उपस्थित भई काम सुरु नगरेमा ठेक्का सम्झौता तोडिने श्रेष्ठले बताए ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर