शुक्लागन्डकीमा ३१ सय परिवारलाई राहत वितरण

Devghat Online

शेयर गरौ

२९ चैत्र, शुक्लागन्डकी
तनहुँको शुक्लागण्डकी नगरपालिकाले ज्याला मजदुरीको माध्यमबाट गुजारा चलाउने विपन्न वर्गका परिवारलाई दैनिक उपभोग्य खाद्यन्नका सामाग्री वितरण गरेको छ । लकडाउनको मारमा परेका तीन हजार ९० परिवारलाई चामल, दाल, नुन, खाने तेल र साबुन वितरण गरिएको नगरप्रवक्ता खिमबहादुर कुमालले जानकारी दिए ।
यहाँका १२ वडामा तीन हजार तीन सय चार परिवारले राहात लिन निवेदन दिएका थिए । दुई सय १४ परिवार राहात लिनलाई तोकिएको मापदण्डमा नपरेपछि वितरण नगरेको उनको भनाई छ । तथ्याङ संकलनमा छुटेका तर आर्थिक विपन्नताले घरमा चुलो बल्ने स्थिती नभएकालाई राहात उपलब्ध गराउने कुमाल बताउछन् ।

वडा नम्बर १ मा ३ सय ३२ परिवार, २ मा ३ सय ४५, ३ मा २ सय ८९, ४ मा २ सय २०, ५ मा ३ सय ३, ६ मा ३ सय १५ परिवारलाई राहात वितरण गरिएको छ । यस्तै, वडा नम्बर ७ मा २ सय ३५, ८ मा १ सय ४, ९ मा २ सय ६५, १० मा २ सय ५८, ११ मा १ सय ७३ र १२ मा २ सय ५१ परिवारलाई राहत प्रदान गरिएको हो । वडा नम्बर ८ ले यसअगाडी वडाको पहलमा सहयोग जुटाएर २ सय ३४ परिवारलाई राहात दिइसकेको थियो ।
वडाका प्रत्येक टोलटोलमा पुगेर टोलबिकास संस्थाका प्रतिनिधी, उद्योग वाणिज्य संघ, रेडक्रस, नागरिक समाजका प्रतिनिधीको रोहबरमा वडाध्यक्षसहितका जनप्रतिनिधीले राहातका समाग्री वितरण गरेका हुन् । नगरपालिकाले परिवारमा दुई जना सदस्य भएका परिवारलाई १५ केजी चामल, दुई केजी दाल, डेढ लिटर तेल, दुई पोका नुन र एउटा साबुन उपलब्ध गराएको छ । चार जना सदस्य भएका परिवारलाई २० केजी चामल, दुई केजी दाल, डेढ लिटर तेल, दुई पोका नुन र एउटा साबुन दिएको हो ।

चार जना भन्दा धेरै सदस्य भएका परिवारलाई २५ केजी चामल, तीन केजी दाल, डेढ लिटर तेल, दुई पोका नुन र एउटा साबुन दिइएको कुमालले जानकारी दिए ।नगरपालिकाले कोरोना रोकथाम तथा नियन्त्रणका लागी विपद कोषमा ६० लाख रुपैयाँ जम्मा गरेको छ । उक्त रकमबाट खाद्यन्नका सामाग्री वितरण गरिएको हो ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर