एनआरएनए माल्टाद्धारा कोरोना पीडित नेपालीलाई राहत बितरण

Devghat Online

शेयर गरौ

 

प्रकाश बगाले

अप्रिल १९

माल्टा/ गैरआवासीय नेपाली संघ राष्ट्रिय समन्वय परिषद् (एनआरएनए) माल्टाले कोरोना भाइरस (कोभिड(१९)का कारण युरोपको माल्टामा रहेका पीडित नेपालीहरुलाई राहत वितरण शुरु गरेको छ । अप्रिल १८ तारिख पहिलो दिन २० जनालाई राहत वितरण गरिएको एनआरएनए माल्टाले जनाएको छ ।

कोरोना प्रभावित नेपालीहरुको सहयोगका लागि वितरण समिति बनाएर आर्थिक संकलन गराई बिपतमा परेका नेपालीहरुलाई राहत वितरण सुरु गरिएको एनआरएनए माल्टाका अध्यक्ष राजु अर्यालले जानकारी दिए । उनका अनुसार एनआरएनए माल्टाले कोरोना भाइरसका कारण समस्यामा परेका नेपालीहरुलाई राहतको व्यवस्था गरेको छ । उनले जो नेपालीहरु समस्यामा परेका छन । उनीहरुले आफ्ना समस्याहरु एनआरएनको अफिसियल सम्पर्क नम्बर, फेसवुक पेज, इमेल र संघका सदस्यहरुलाई जानकारी गराई यथाशिघ्र सम्पर्क गर्न अनुरोध गरेका छन् ।
भर्खरै आएका, रोजगारी नभएका अति समस्या रहेका  नेपालीहरुलाई प्राथमिकताका आधारमा घर घरमै पुगेर राहत वितरण गरिएको एनआरएनए माल्टाका सचिव भुवन अर्याल जानकारी दिए । उनले सम्पर्कमा आएका सबै नेपालीहरुलाई आवश्यकता अनुसारको राहत वितरणलाई निरन्तरता दिदै जाने जनाएका छन् । नेपालीहरु बसेका घर घरमा गई उनीहरुको समस्याको जानकारी एनआरएनएले लिदै आइरहेको भन्दै सचिव अर्यालले यहाँ रहेका नेपालीहरुमा तत्काल भिसाको समस्या, यहाँका कम्पनीहरुले विभिन्न कारण देखाई कम्पनी निकाला गरिदिएका समस्या देखिएको हुँदा यस समस्याको समाधान छिट्टै गरिने आश्वासन समेत उनीहरुलाई दिइएको बताएका छन् ।

कोरोना प्रभावित नेपालीहरुको सहयोगका लागि नविन गिरीको संयोजकत्वमा पाँच जनाको उपसमिति बनाइएको जसमा रहरमान तामाङ, बिरेन्द्र घिमिरे, नरेस खनाल र दिनानाथ भट्टराई रहेका एनआरएनए माल्टाले जनाएको छ ।

प्रतिक्रिया दिनुहोस्

सम्बन्धित समाचारहरू

बोलवम मेलामा आएका भक्तजनलाई देवघाटधाम जेसीजद्वारा निःशुल्क पानी र मही वितरण

देवघाट, साउन ७ देवघाटधाममा सुरु भएको बोलवम मेलामा आएका भक्तजनलाई देवघाटधाम जेसीजले निशुल्क पानी तथा

नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस मनाइँदै

काठमाडौं, साउन ७ नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न