मजदुरलाई राहत दिँदै सांसद श्रेष्ठ

Devghat Online

शेयर गरौ

आफ्नो उद्योगमा कार्यरत मजदुरलाई १० प्रतिशत भत्ता
७ वैशाख, काठमाडौं
तनहूँ क्षेत्र नम्बर १ का प्रतिनिधि सभाका सांसद कृष्णकुमार श्रेष्ठ किसानले आफ्नो उद्योगमा कार्यरत मजदुरलाई लकडाउन अवधि भरको तलवमा १० प्रतिशत भत्ता थपेर दिने भएका छन् । उद्योगी समेत रहेका नेकपाका सांसद श्रेष्ठले बाराको सिमरामा रहेको आफ्ना दुई उद्योगमा कार्यरत मजदुरलाई लकडाउन अवधिको तलबमा १० प्रतिशत थपेर दिने घोषणा गरेका छन् ।

सिमरास्थित ग्यास वान नेपाल र क्लासिक एग्रिकल्चरमा कार्यरत मजदुरको तलबमा लकडाउनको अवधिमा थप दश प्रतिशत बढाउने सांसद श्रेष्ठले घोषणा गरेका छन् । संकटको बेला अत्यावश्यक सेवामा कार्यरत मजदुरको मनोबल बढाउन मासिक तलबमा १० प्रतिशत वृद्धि गरिएको उनले बताए ।

खाना पकाउने ग्यासको अभाव हुन नदिन मजदुरलाई नियमित काममा लगाइएकाले उनीहरुको तलबमा वृद्धि गरिएको र क्लासिक एग्रिकल्चरअन्तर्गत मेवा खेतीमा संलग्न मजदुरलाई पनि सोही सुविधा दिइने सांसद श्रेष्ठले बताए ।

सांसद श्रेष्ठले यस अघि आफ्नो निर्वाचन क्षेत्रका स्थानीय तहलाई स्वास्थ्य सामाग्रीहरु वितरण गरिसकेका छन् । मजदरको तलबमा १० प्रतिशत थपको निर्णय अघिल्लो महिनाबाटै लागू हुने सांसद श्रेष्ठले बताए ।

सांसद् श्रेष्ठले तनहुँ जिल्लामा उत्पादित तरकारी तथा कृषि उपज जिल्लाभित्रै खपत गराउनका लागि लकडाउन अवधिमा बाहिरबाट तरकारी भित्र्याउयन नदिन स्थानीय प्रशासनलाई आग्रह गरेका छन् । शुक्रबार तरकारी उत्पादक कृषकसँगको छलफलपछि सांसद् श्रेष्ठले स्थानीय तह र सुरक्षा निकायमार्फत सो पहल गरेका हुन् ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर