देवघाटमा राहत वितरण प्रक्रिया र कोरोनाको उपचार सम्बन्धमा अन्तरक्रिया

Devghat Online

शेयर गरौ

८ बैशाख, देवघाट
कोरोना रोकथाम, नियन्त्रण र उपचार सम्बन्धी जिल्ला स्तरीय समन्वय समिति तनहूँले सोमबार देवघाट गाउँपालिकाले कोरोना नियन्त्रण र रोकथामको लागि चालेको कदम र राहत वितरणको प्रक्रियाको बारेमा जानकारी लिएको छ । समितिका संयोजक एवं प्रमुख जिल्ला अधिकारी बद्रिनाथ अधिकारीको नेतृत्वको टोलीले देवघाट गाउँपालिकाका अध्यक्ष, प्रमुख प्रशासकीय अधिकृत, वडा अध्यक्ष एवं सरोकारवालाहरुसँग अन्तरक्रिया गरि कोरोना भाइरसको जोखिम न्युनिकरणको लागि लगाईएको लकडाउन र त्यसले पारेको प्रभाव तथा बिदेशबाट आउने नागरिकको कोरोना परिक्षण एवं राहत वितरणको प्रक्रियाको बारेमा जानकारी लिएको छ ।
सो अवसरका समन्वय समितिका संयोजक अधिकारीले अहिले कारोना भाइरससँग जुध्ने एक मात्र विकल्प लकडाउन भएको कारण सबैले लकडाउनलाई आ आफ्नै ठाउँबाट सहयोग गर्नु पर्ने बताए । जिल्लामा विपन्न व्यक्तिहरुलाई राहत वितरणलाई प्राथमिकतामा राख्नु पर्ने र अत्यावश्यक वस्तु तथा सेवाको प्रवाह अवरोध गर्न नहुने बताए । प्रमुख जिल्ला अधिकारी अधिकारीले स्थानीय निर्माण सामाग्रीको प्रयोग र स्थानीय कामदारको प्रयोग गरि सार्वजानिक निर्माणका कामहरु गर्न सकिने भन्दै त्यसकोलागि सहजिकरण गर्न आफु तयार रहेको सो अवसरमा बताए ।


देवघाट गाउँपालिकाका अध्यक्ष दुर्गबहादुर थापाले गाउँपालिकाले ७ सय ९१ परिवारलाई राहत वितरण गरेको जानकारी गराउँदै आवश्यक परे थप राहत वितरण गर्न सकिने बताएका थिए । लकडाउनको पालना गर्न गाउँपालिकाबासीलाई आग्रह गरिएको भन्दै उनले गाउँपालिका प्रवेश गर्ने सबै नाकामा कडाई गरिएको बताए । सार्वजानिक निर्माणको काम गर्नकोलागि वातावरण बनाउनु पर्ने र खोला तथा नदीहरुबाट नदीजन्य वस्तु उत्खनन गर्न पनि अनुमती दिनु पर्ने बताएका छन् । कोरोना लगायत सबै रोगहरुबाट बच्ने मुख्य उपाय भनेको व्यक्तिगत सरसफाई महत्वपुर्ण रहेको भन्दै उनले गाउँपालिकालाई पुर्ण सरसफाई उन्मुख बनाईसकिएको जानकारी दिए ।
प्रमुख प्रशासकीय अधिकृत रमेश सुवेदीले अहिलेसम्म बिदेशबाट आएका ३४ जना नागरिकको कोरोना परिक्षण गरिएको र सबैको रिर्पाेट नेगेटिभ आएको जानकारी दिए । उनले कोरोना रोकथाम, उपचार र राहत वितरण प्रक्रियाको बारेमा गाउँपालिकाले सन्चालन गरेको कार्यक्रमबारे जानकारी गराएका थिए ।
कार्यक्रममा देवघाट क्षेत्र विकास समितिका अध्यक्ष शिवराज पौडेल, नेकपाका गाउँकमिटि सचिव केशवचन्द्र न्यौपाने, नेपाली काँग्रेसका गाउँ कार्य समितिका सभापती प्रेमबहादुर गुरुङ, देवघाट गाउँपालिका वडा नम्बर ५ का अध्यक्ष एवं गाउँपालिकाका प्रवक्ता यालबहादुर गुरुङ, वडा नम्बर १ का अध्यक्ष भिमबहादुर गुरुङ, स्वास्थ्य शाखाका प्रमुख प्रदिपकुमार बुढाथोकी, उद्योग वाणिज्य संघ देवघाटका अध्यक्ष रोशन श्रेष्ठ, लगायतले गाउँपालिकाको योजना र भुमिकाको बारेमा जानकारी गराएका थिए ।
प्रमुख जिल्ला अधिकारी नेतृत्वको सो समितिले सोमबार आवुँखैरेनी गाउँपालिका, भानु नपा र बन्दिपुर गाउँपालिकाको टोलीसँग पनि अन्तरक्रिया गरेको थियो ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर