३ जेठ, दमौली
अर्थ मन्त्रालयले शुक्लागन्डकी नगरपालिका स्थित जिपि कोइराला राष्ट्रिय श्वास प्रश्वास उपचार केन्द्रमा ५ वटा भेन्टिलेटर र १० वटा आईसियु बेड जडानको लागि ६ करोड र अक्सिजन प्लान्ट निर्माण र अक्सिजन उत्पादनको लागि ३ करोड गरि नौ करोड रुपैया उपलब्ध गराउने निर्णय गरेको छ ।
प्रतिनिधि सभाका सांसदद्वय केदार सिग्देल र कृष्णकुमार श्रेष्ठ किसान तथा राष्ट्रिय सभाकी सांसद भगवती न्यौपानेको विशेष पहल र सक्रियतामामा अर्थ मन्त्रालयले आईतबार सांझ उक्त रकम सम्बन्धि निर्णय गरेको हो ।
यसैगरि अर्थ मन्त्रालयले दमौली अस्पतालमा अक्सिजन प्लान्ट निर्माणको लागि अस्पतालको माग बमोजिम ३० लाख रुपैयाँ उपलब्ध गराउने निर्णय समेत गरेको प्रतिनिधि सभा तनहू क्षेत्र नम्बर १ का माननीय सांसद कृष्णकुमार श्रेष्ठ किसानले जानकारी दिए ।
