तनहुँ । चैत १९
नेपाली काँग्रेसका नेता गोविन्दराज जोशीले आफ्नो कारवाही फुकुवा गर्ने पार्टीको केन्द्रिय कार्यसम्पादन समितिको निर्णय प्रति असहमती जनाएका छन् । आईतबार बसेको काँग्रेस केन्द्रीय कार्य सम्पादन समितिको बैठकले जोशी सहित चितवनका पुर्व सभापती विकास कोईरालाको कारवाही फुकुवा गर्ने निर्णय गरेको सार्वजानिक भएको थियो ।
आफुलाई गरिएको कारवाही फुकुवा भएको भनी सन्चारमाध्यममा प्रकाशित समाचार प्रति जोशीले असहमती जनाउँदै उक्त निर्णय चुनावको मुखमा गरिएको मन्चन मात्र भएको बताएका छन् । नेपाली काँग्रेसका पुर्व सहमहामहामन्त्री समेत रहेका जोशीले सामाजिक सन्जालमा आफ्नो धाराणा सार्वजानिक गर्र्दै ‘नेपाली कांग्रेसले म र म सँग सम्बन्धित मान्छेसँग कुनै किसिमको सल्लाह नगरी एकलौटी रुपमा गरेको यस निर्णयलाई म हरहालतमा मान्न तयार छैन । चुनावको मुखमा मञ्चन गरिएको चुनावी रणनीतिबाट दिग्भ्रमित नहुन तथा यस्तो अफवाह बिचलित नहुन म मेरा सम्पूर्ण जनतालाई आग्रह गर्दछु । म र नेपाली कांग्रेस पार्टीलाई नै सक्काउने उद्देश्यले गरिएको उक्त निर्णयको खण्डन गर्दै सोका प्रति गम्भीर ध्यानाकर्षण गराउन चाहन्छु ।’ भनेका छन् ।
जोशीले भनेका छन् ‘वर्षौँदेखि नेपाली कांग्रेसको राजनितिमा लागेर पार्टीको लागि आफ्नो सम्पूर्ण जिवन अर्पण गरेको सजाय म र मेरो परिवारले वर्षौँदेखि भोग्दै आएको कुरा सबैमा जगजाहेरै छ । विगतका वर्षमा मैले जे जति भोगेको छु त्यसको श्रेय नेपाली काङ्ग्रेसलाई सक्काउन लागि परेका केही राजनितिज्ञहरुलाई जान्छ । १० औँ हजार कार्यकर्ताको मतलाई वेवास्ता गर्दै चुनावको मुखमा मलाई नेपाली कांग्रेसबाट कारवाही फुकुवा गरिएको भन्ने जुन भ्रम छर्ने काम गरियो, यो सरासर गलत हो । यसप्रति मेरो घोर आपत्ति छ ।’
जोशीले भनेका छन् । ‘यो समस्या समाधानका निम्ति पटक–पटक वार्ता टोली गठन गरि वार्ताको प्रयास गर्दा पनि पार्टीले वेवास्ता गरेको कुरा सम्पूर्ण जनतालाई जानकारी गराउन चाहन्छु । सम्पूर्ण प्रयासका बाबजुद पनि वार्ताको वातावरण समेत नबनाउने, पार्टिमा सैदान्तिक बिचलन ल्याउनेहरु बाट यसरी जनतालाई दिग्भ्रमित गर्ने गरिएको निर्णयको जति आलोचना गर्दा पनि कम हुन्छ ।’
