देवघाट अनलाइन
दमौली, चैत २०
तनहुँ क्षेत्र नम्बर १ मा नेपाली कांग्रेसको तर्फबाट उम्मेदबारी दिएका गोविन्द भट्टराइले तनहुुँमा यस अघि भएको विकासको कामलाई निरन्तरता दिन आफुले उम्मेदबारी दिएको बताएका छन् । उम्मेदबारी दर्ता पछि प्रतिक्रिया दिँदै भट्टराईले विगतमा यस क्षेत्रमा नेपाली काँग्रेसले नै जित्दै आएको र तनहुुँमा जे जति विकासको कामहरु भएको छ, त्यो सबै काँग्रेसकै नेतृत्वमा भएको हुँदा अव पनि आफुले त्यसलाई निरन्तरता दिने बताए ।
अहिले काँग्रेसबाट नै निर्वाचित भएका सांसद राष्ट्रपती भएकोकारण चुनाव हुन लागेको भन्दै भट्टराई अव पनि उक्त क्षेत्रमा काँग्रेसले नै संसदमा निरन्तरता दिने बताए । आफुले विगतमा तनहुँमा खानेपानीको क्षेत्रमा धेरै योजनाहरु ल्याएको दावी गर्दै भट्टराईले अव खानेपानी मात्र नभई सबै क्षेत्रको विकासको जिम्मा लिने बताए । भट्टराईको प्रस्तावकमा क्षेत्रीय सभापती श्याकुमार मौराती र समर्थकमा निवर्तमान प्रदेश सभाकी सांसद सरिता गुरुङ रहेका छन् ।
भट्टराईको उम्मेदवारी दर्ता अघि पार्टी कार्यालय परिसरमा नेपाली काँग्रेसले कोण सभा गरेको थियो । सो सभामा उम्मेदबार भट्टराई सहित काँग्रेसका महामन्त्री गगन थापा, केन्द्रीय सदस्य शंकर भण्डारी, सुरेन्द्रराज पाण्डे, पुर्व केन्द्रीय सदस्य ध्रुव वाग्ले लगायतका नेताहरुले शुभकामना मन्तव्य राखेका थिए ।
