देवघाट, बैशाख २४
श्री जगतगुरु रामानुज धर्मशाला कर्मबराह गणेश नारायणी शालिग्राम मन्दिरको आयोजनामा शनिबारदेखी देवघाटधाममा श्रीमद् भागवत माहापुरा सप्ताह ज्ञानमहायज्ञ शनिबारबाट सुरू भएको छ । महायज्ञको शुभारम्भको अघि धर्मशालाबाट बेणी संगमसम्म बाजागाजा सहित कलश यात्रा गरी सुरू गरियो ।
कलश यात्रा लगत्तै धर्मशालामा भजन कृतन गरेर महायज्ञ सुरू गरिएको रामानुज धर्मशालाका संरक्षक गोपाल रिजाल (शालिग्राम बाबा) ले बताए । रिजालका अनुसार महायज्ञमा पिठाधिस रामानुजा आचार्य भारद्वाजले कथा वाचन गर्नेछन् ।
महायज्ञ आफ्ना पितृहरूको आत्माको कल्याण होस्, मच्छे हुन भन्ने उद्देश्यले कार्यक्रमको आयोजना गरिएको रिजालले बताए । महायज्ञमा हरिहर आश्रम, गलेश्वर आश्रम, महेश सन्याश आश्रम लगायत देवघाटका विभिन्न आश्रमका पिठाधिसहरू र छिमेकी जिल्ला चितवन र नवलपुरमा रहेका आश्रमका पिठाधिस लगायतको उपस्थिती रहेको छ । बैशाख ३० गते सम्म चल्ने छ ।
