देवघाट गाउँपालिका वडा नम्बर ५ का वडाध्यक्ष पुर्ण बहादुर कुवँरका छोरा हरि कुवँरले अनुगमनमा गएका प्राविधिक कर्मचारीमाथि माथि गालीगलौज तथा दुर्व्यहवार गरेको भन्दै देवघाट गाउँपालिकाका कर्मचारीहरुले सेवा स्थगन गर्ने भएका छन् ।
देवघाट गाउँपालिकाका सबइन्जिनियर परिक्रमा पन्त र वडा प्राविधिक बिनिता पुन कुवरले दुव्र्यवहार गर्दै धम्कीपूर्ण व्यवहार गरेको आरोप कर्मचारीहरुले लगाएका छन् ।
शुक्रबार प्रेस बिज्ञप्ती जारी गर्दै गाउँपालिकाका कर्मचारीहरुले दोषीलाई कारवाही नहुँदासम्म गाउँपालिका कार्यालय अन्तर्गत सबै शाखाबाट प्रवाह हुदै आएको सम्पूर्ण सेवाहरु स्थगन गरिएको जनाएको छ ।
कर्मचारीहरुले सामुहिक विज्ञप्ति प्रकाशित गरि शान्ति सुरक्षा र दोषीलाई कारबाहीको माग गरेका छन् । देवघाट गाउँपालिका वडा नं ५ मा निर्माणधीन रातमाटे प्रवेशद्वारबाट माथि रातमाटे बस्तीतर्फ जाने अधुरो मार्ग ढलान कार्यको अवलोकन गर्न गएको समयमा आफुहरु माथि दुव्र्यवहार भएको सबइन्जिनियर परिक्रमा पन्तले जानकारी दिइन् ।
व्यक्तिगत आचारणमा आँच आउने गरी सामाजिक संजालमा भ्रम फैलाउने कार्य गरेकाले कर्मचारीमा त्रास सिर्जना गरेको हुँदा उक्त किसिमको अमर्यादित र अभद्र कार्य प्रति संम्पूर्ण कर्मचारीहरुले खेद प्रकट गरेका छन् ।
