देवघाट, जेठ १२
देवघाट गाउँपालिका पुर्ण खोप तथा दिगोपना सुनिश्चितता गाउँपालिका घोषणा भएको छ । गाउँपालिकाको सभाहलमा शुक्रबार आयोजित कार्यक्रममा गाउँपालिकाका अध्यक्ष तिलबहादुर थापाले देवघाटलाई पुर्ण खोप सुनिश्चित भएको पालिका घोषणा गरे ।
जन्मेदेखी पाँच वर्षसम्मका सबै बालबालिकाले पुर्णरुपमा खोपको मात्रा पाएको हुदा गाउँपालिकालाई नै पुर्णखोप सुनिश्चितता बनाउन सकिएको गाउँपालिकाका स्वास्थ्य शाखाका प्रमुख प्रदिप बुढाथोकीले बताए । उनले सबै वडामा खोप अभियान सन्चालन गरेर खोप लगाउन छुटेका बालबालिकाको खोजि गरिएको बताए ।
सो अवसरमा बोल्दै देवघाट गाउँपालिकाका अध्यक्ष तिलबहादुर थापाले खोप अभियानलाई भविष्यमा पनि निरन्तरता दिने बताए ।
सो कार्यक्रममा गाउँपालिकाका उपाध्यक्ष भुवन सिं गुरुङ, प्रमुख प्रशासकीय अधिकृत रमेश सुवेदी, स्वास्थ कार्यालय तनहुँका प्रमुख शंकरबाबु अधिकारी, वडा नम्बर ५ का अध्यक्ष तथा गाउँपालिकाका प्रवक्ता पुर्णबहादुर कुँवर लगायतले मन्तव्य राखेका थिए ।
