दमौली, जेठ २८
अबैध लागु औषध गाँजा सहित शनिबार बिहान एक जना पक्राउ परेका छन् ।
शनिबार बिहान आँबुखैरेनी गाउँपालिका–४ बेनिटार स्थित पृथ्बी राजमार्ग सडक खण्डमा अस्थायी प्रहरी पोष्ट मुग्लिङ पुलजिप तनहुँबाट खटिएको प्रहरी टोलीले मुग्लिङबाट आँबुखैरेनी तर्फ आउदै गरेको ना.४ख.६३५६ नम्बरको यात्रु वाहक बस रोकी चेकजाँच गर्ने क्रममा उक्त बसमा यात्रारत जिल्ला धादिङ, निलकण्ठ नगरपालिका–७ सुनौला बजार बस्ने २२ बर्षिय कृष्णबहादुर खड्का लागु औषध गाँजा सहित पक्राउ परेका हुन् ।
खड्काले निलो झोला भित्र लुकाई राखेको अवस्थाको ६ केजी अवैध लागु औषध गाँजा फेला परेको हुँदा उक्त लागु औषध सहित खड्कालाई नियन्त्रणमा लिई आईतबार तनहुँ जिल्ला अदालतमा उपस्थित गराई लागु औषध गाँजा मुद्दामा ६ दिनको म्याद थप गरी थप अनुसन्धान भईरहेको जिल्ला प्रहरी कार्यालयका डिएसपी मोहनबहादुर खाँणले जानकारी दिए ।
