दमौली, जेठ २८
शनिबार बेलुकी आबुखैरेनी गाउँपालिका–५ रसौली भन्ने स्थानमा एक्साभेटर दुर्घटनामा एक जनाको मृत्यु भएको छ ।
आबुखैरेनी गाउँपालिका–२ मार्किचोकबाट चितवनको भरतपुरको लागि २२० केभीको हाइटेन्सनको टावर निर्माण गर्नको लागी उक्त स्थानसम्म जान कच्ची सडक बनाउदै गरेको अवस्थामा ग ३ क ३९७४ नम्बरको स्काईभेटर सोही स्थानबाट अन्दाजी १५ सय मिटर तल खोचमा खसेर दुर्घटना हुँदा उक्त स्काभेटरको सहचालकको मृत्यु भएको छ ।
मृतयु हुनेमा सल्यान जिल्ला स्थायी घर भएका २५ बर्षिय खेमराज चलाउने रहेका छन् । उनको घटनास्थलमा नै मृत्यु भएको र स्काभेटर चालक चितवन जिल्ला घर भएका सुन्दर श्रेष्ठ हालसम्म फरार रहेको निजको खोजतलास भईरहेको जिल्ला प्रहरी कार्यालयका डिएसपी मोहनबहादुर खाँणले बताए । उक्त घटना सम्बन्धमा थप अनुसन्धान भईरहेको प्रहरीले जनाएको छ ।
