दमौली, असार १४
व्यास नगरपालिका–१ भादगाउँ स्थित निर्मल माविमा अबदेखी कक्षा ११ मा विज्ञान विषय पढाई हुने भएको छ । विद्यार्थीलाई गुणस्तरीय शिक्षा दिने उद्देश्यले यसै शैक्षिक सत्रदेखी कक्षा ११ मा विज्ञान विषय पढाउने तयारी भएको विद्यालयका प्रअ गणेशचन्द्र बस्नेतले बताए ।
यस अघि कक्षा ११ र १२ मा शिक्षा, व्यवस्थापन, कानुन, सिभिल इन्जिनियरको अध्यपान गराउदै आएको उक्त विद्यालयले अव देखी विज्ञान विषय पढाउने भएको शिक्षक अभिभावक संघका अध्यक्ष हरि शरण खनालले बताए ।
विधाथीहरूको माग अनुसार र भौतिक पुर्वधार पश्चात विज्ञान विषय पढाउने तयारी भएको प्रअ बस्नेतले बताए । आर्थिक अवस्था कमजोर भएका विद्यार्थीहरुले आफ्नो घर नजिकै न्युन शुल्कमा विज्ञान विषय पढाउन लागिएको खनालले बताए ।
वि.सं २०२५ सालमा स्थापना भएको उक्त विद्यालयमा हाल नौ सय भन्दा बढी विद्यार्थी अध्ययनरत छन् ।
