दमौली, असोज ३०
देवघाटका युवा गायक सुभास तिमिल्सेनाले दशैंको अवसर पारेर ‘दशैं आयो तिहारै’ गित ल्याएका छन् । गायिका गिता पाण्डेसँगको सहकार्यमा सुभाषले नेपालीहरुको महान चाड दशैं र तिहारको अवसरमा दशैं तिहारको महत्व झल्काउने गित बजारमा ल्याएका हुन् ।
उक्त गितको भिडियोलाई पुजा ठकुरीले निर्देशन गरेकी हुन् । देवघाट–५ का भवानी तिम्सिनाका छोरा सुभासले नेपाली गित संगित क्षेत्रमा पाइला अगाडी बढाउँदैछन् । उनले हालसम्म ८ वटा गीत बजारमा ल्याईसकेका छन् ।
सुभासले हालसम्म ‘तिमिले छोडेको पल’, ‘छेउमा बस्न देउ’, ‘मज्जा थियो’, ‘खल्लो माया’, ‘राष्ट्रिय एकताको प्रतिक बिर नेपाली सेना’ लगायतका गितमा स्वर दिईसकेका छन् ।
दशैंको अवसरमा ल्याईएको गित ‘दशैं आयो तिहारै’ लाई पनि माया र साथ दिन सुभासले आग्रह गरेका छन् ।
