दमौली, माघ १९
नेपाली काँग्रेस व्यास नपा–१३ का वडा कार्य समिति सदस्य ओजराज पन्थ सहित विभिन्न पार्टीबाट १७ जना राष्ट्रिय प्रजातन्त्र पार्टीमा प्रवेश गरेका छन् ।
शुक्रबार व्यास १३ को छाब्दीमा आयोजित कार्यक्रममा पन्थको नेतृत्वमा उनीहरु राप्रपामा प्रवेश गरेको राप्रपा तनहुँका अध्यक्ष बिनोद घर्तीले जानकारी दिए ।
नवप्रवेशीहरुलाई राप्रपा तनहुँका अध्यक्ष बिनोद घर्ती, व्यास नगर समितिका अध्यक्ष आइतबहादुर घले, महिला नेतृ चन्द्रावती पन्थ लगायतले स्वागत गरेका थिए ।
सोही अवसरमा भएको भेलाले ओजराज पन्थको अध्यक्षतामा १५ जनाको वडा कार्यसमिति गठन गरिएको छ । सो कार्यक्रममा राप्रपा तनहुँका अध्यक्ष घर्ती तथा नवप्रवेशी पन्थले मन्तव्य राखेका थिए ।
