दमौली, माघ २५
तनहुँको ऋषिङ गाउँपालिका वडा नम्बर २ स्थित ग्वास्लुङ गाउँमा रहेको ग्वास्लुङ सामुदायिक स्वास्थ्य इकाईका स्वास्थ्यकर्मीहरुले नागरिकको घर घरमा पुगेर स्वास्थ्य परिक्षण गरेका छन् ।
जेष्ठ नागरिक, अपाङ्गता भएका नागरिक, अशक्त र गर्भवती महिलाहरुसँगै अन्य नागरिकको घर–घरमा गई स्वास्थ्य जाँच गरिएको ग्वास्लुङ सामुदायिक स्वास्थ्य इकाईका प्रमुख तिलक रानाभाटले बताए ।
स्वास्थ्य इकाईमा आउन नसक्ने जेष्ठ नागरिक, अपाङ्गता भएका नागरिक, अशक्त र गर्भवती महिलालाई उनीहरुको घर घरमै गएर स्वास्थ्य परिक्षण गरिएको रानाभाटले बताए । घर घरमै स्वास्थ्य परिक्षण गर्न पाउँदा जेष्ठ नागरिक र गर्भवतीहरु निकै खुसी भएको रानाभाटले बताए ।
स्वास्थ्य इकाईले यस अघि देखी नियमित रुपमा नागरिकको घर घरमा नै पुगेर स्वास्थ्य परिक्षण गर्दै आएको उनले बताए । यो कार्यलाई भविष्यमा पनि निरन्तरता दिइने उनको भनाई छ ।
