दमौली, फागुन ७ गते
निर्मल मावि व्यास नपा १ को एसएलसी २०४५ ग्रुपले उक्त विद्यालयमा एक लाख पाँच रुपैयाँको छात्रवृत्ति अक्षयकोष स्थापना गरेको छ ।
विद्यालयको सोमबार आयोजित ५५ अौं बार्षिकोत्सव समारोहमा पूर्व विद्यार्थी निर्मल मावि २०४५ एसएलसी समूहले छात्रवृत्ति अक्षय कोषको निम्ति सो रकम हस्तान्तरण गरेको हो ।
समुहका अध्यक्ष त्रिभुवन श्रेष्ठ लगायत समुहका पदाधिकारी तथा सदस्यहरुले निर्मल माविका प्रअ गणेशचन्द्र बस्नेत तथा विद्यालय व्यवस्थापन समितिका अध्यक्ष तमबहादुर दरैलाई सो रकम तथा छात्रवृत्ति सन्चालन पुस्तिका हस्तान्तरण गरेका थिए ।
उक्त समुहले यसअघि व्यास १२ स्थित सिद्धेश्वरी मावि र मत्स्यकन्या आधारभुत विद्यालयका विद्यार्थीलाई न्यानो कपडा र स्टेशनरी सामाग्री वितरण गर्नुका साथै मृगौला पीडितलाई उपचार खर्च रकम सहयोग गरेको थियो ।
