दमौली, बैशाख ९
परोपकार सेवा समाज तनहुँको अध्यक्षमा दिलबहादुर मिजार चयन भएका छन् । समाजको आइतबार सम्पन्न प्रथम अधिवेशनले मिजारको अध्यक्षतामा नयाँ कार्यसमिति सर्वसम्मत रुपमा चयन गरेको छ ।
समाजको उपाध्यक्ष, सचिव, कोषाध्यक्ष र सहसचिवमा क्रमशः प्रेमबहादुर रम्तेल, भानु चापागाई, इन्द्रकुमारी रम्तेल र पवन थापा क्षेत्री रहेका छन् । त्यसैगरि सदस्यहरुमा भिमबहादुर प्रधान, चित्रबहादुर नेपाली, महेश्वर दास, तिर्थबहादुर अधिकारी, सरिता बस्याल र सन्तु नेपाली चयन भएका छन् ।
समाजका कार्यवहाक अध्यक्ष मिजारको अध्यक्षतामा सम्पन्न सो अधिवशेनको उद्घाटन बरिष्ठ आयुर्वेद विज्ञ डा. लक्ष्मीकान्त चापागाईले गरेका थिए ।
