दमौली, जेठ १९
प्रतिनिधि सभाका सांसद डा.स्वर्णिम वाग्लेले हालै तनहुँको व्यास नपा वडा नम्बर ३ मुख्यचोकमा भएको आगलागी र जिल्लाका विभिन्न क्षेत्रमा हावाहुरीबाट भएको क्षतीको निरिक्षण गरेका छन् । शुक्रबार साँझ दमौली आएका सांसद वाग्लेले शनिबार दिनभर आगलागी र हावाहुरीबाट भएको क्षतीको निरिक्षण गरेका थिए ।
सो क्रममा सांसद वाग्लेले प्राकृतिक प्रकोपका पीडितहरुलाई भेटी सरकारको तर्फबाट जतिसक्दो चाँडो राहत र क्षतीपुर्ती उपलब्ध गराउन पहल गर्ने बताए ।
यसैगरि शनिबार विहान दमौलीमा आयोजित पत्रकार सम्मेलनमा सांसद वाग्लेले प्राकृतिक प्रकोपका पीडितहरुलाई सरकारले यथासक्य राहत र क्षतीपुर्ती उपलब्ध गराउनु पर्ने बताए । उनले आगामी आर्थिक वर्षको लागि तनहुँमा हालसम्मकै सबैभन्दा धेरै बजेट विनियोजन भएको भन्दै अव विकास निर्माणको कामले गति लिने बताए ।
