देवघाट, असार ५
देवघाट गाउँपालिकामा चालू आर्थिक वर्षमा ९ वटा सिंचाइ योजना सम्पन्न भएका छन् ।
वडा नं. १ मा १ वटा, वडा नं. २ को खाल्टे फाँटमा ३ वटा, वडा नं. ३ मा १ वटा र वडा नं. ५ मा ४ वटा गरी जम्मा ९ वटा सिंचाई योजना सम्पन्न गरिएको गाउँपालिकाले जनाएको छ ।
यो अवधिमा करिब २५०० मिटर पक्की सिचाई कुलो निर्माण भएको छ भने सोलार प्रणालीबाट सञ्चालनमा रहेका २ वटा लिफ्टिङ्ग खानेपानी योजनामा समस्या आएको कारण उक्त लिफ्टिङ्ग योजनालाई विद्युतीय माध्यमबाट ए.सि.प्रणालीद्वारा जडान गरी सञ्चालन गरिएको गाउँ पालिकाले जनाएको छ।
वडा नं. ५ मा ३ वटा डिपबोरिङ सम्पन्न हुने चरणमा छन् र वडा नं. ५ को झारखानीमा लिफ्टिङ सिंचाई निर्माणाधिन अवस्थामा रहेकाे गाउँ पालिकाका अध्यक्ष तिलबहादुर थापाले बताए ।
