दमौली, भदौ १८
१३ बर्षिया बालिकालाई बलात्कार गरेको आरोप लागेका भानु नपा ४ दोरदोरका २८ बर्षिय राजेश दवाडीलाई तनहुँ जिल्ला अदालतले १८ वर्ष कैद सजायको फैसला गरेको छ ।
जिल्ला अदालतका न्यायधिश चन्द्रकुमार पोख्रेलको इजलासले मंगलबार सजाय निर्धारण गर्दै दवाडीलाई १८ बर्ष कैद तथा पीडितलाई आरोपितबाट १ लाख रुपैयाँ क्षतीपुर्ती भराउने फैसला गरेको जिल्ला अदालतका श्रेस्तेदार केशव पौडेलले जानकारी दिए ।
दवाडीले २०८० साउन १० गते १३ बर्षिया बालिकालाई बालिकाकै घरमा गई बलात्कार गरेको भन्दै बालिकाका आफन्तले २०८० कार्तिक ६ गते जिल्ला प्रहरी कार्यालय तनहुँमा उजुरी दिएका थिए ।
प्रहरीले दवाडीलाई २०८० कार्तिक ६ गते नै पक्राउ गरेको थियो । दवाडी विरुद्ध जिल्ला सरकारी वकिल कार्यालयले २०८० कार्तिक २२ गते जिल्ला अदालतमा जबरजस्ती करणी सम्बन्धी मुद्धा दर्ता गरेको थियो । दवाडी २०८० कार्तिक २३ गतेदेखी जिल्ला कारागारमा पुर्पक्षको लागि थुनामा थिए ।
