सेप्टेम्बर ६ , माल्टा
युरोपको माल्टामा आज नेपालीहरुको महान चाड हरितालिका तीज मनाइने भएको छ ।
गैर आवासीय नेपाली संघ, राष्ट्रिय समन्वय परिषद् (एन आरएनए) माल्टाले नेपालीहरुको महान चाड हरितालिका तीजको दिन आज ६ तारीख बेलुका ४ बजेबाट राती १० बजे सम्म जीराको अफ्रियम थ्रीयटरमा तीज विशेष कार्यक्रम गर्न लागिएको आयोजक संस्था एन आरएनए माल्टाले जानकारी दिएका छन् ।
कार्यक्रमलाई भव्य र सफल बनाउँन लोक गायक सन्तु थापा संगै स्थानीय कलाकारहरूले थप मनोरञ्जन प्रदान गर्ने एनआरएनए माल्टाकी महिला संयोजक धनु लामाले बताइन् ।
संयोजक लामाले प्रवासमा रहेर पनि एक आपसमा आत्मीयता साटासाट गर्दै सामाजिक, धार्मिक, सांस्कृतिक आदि पहिचान बोकेको यस पर्वलाई जोगाइ राख्न र विश्वभर रहेका नेपाली नारीहरुको पहिचान काय राख्दै मनोरञ्जन लिन समेत यस पर्व मनाउन लागिएको बताइन् ।
उनले गत वर्ष विभिन्न कारणबस सोचेजस्तो नभएको भन्दै यसपालि भब्यताका साथ तीज मनाइने हुँदा सम्पुर्ण नेपाली मनहरुमा सभ्यताका साथ कार्यक्रममा उपस्थित भइदिन समेत अनुरोध गरेकी छिन्। उनका अनुसार नेपालीपन, पहिचान तथा संस्कृति जोगाउन र यस कार्यक्रमले नेपालीहरु बिचको सम्बन्धलाई थप प्रगाढ बनाइ संस्थालाई थप उचाइमा पुर्याउन सकिने विश्वास छ।
कार्यक्रममा सहभागी हुने महिलाहरुका लागि प्रवेश निःशुल्क रहनुका साथै पुरुषका लागि भने ५ युरो तोकिएको संस्थाले जनाएको छ ।
