दमौली, भदौ ३०
महिला उद्यमी संघ तनहुँ दशभरीमै प्रथम भएको छ । देशका ७० जिल्लामा शाखा रहेको महिला उद्यमी महासंघको तनहुँ शाखा प्रथम भएको हो ।
महिला उद्यमी महासंघको काठमाडौंमा सम्पन्न एक्काइसौं साधारणसभाको अवसरमा प्रथम हुने महिला उद्यमी संघ तनहुँलाई नगद पुरस्कार सहित सम्मान गरिएको थियो ।
बाग्मती प्रदेशका मुख्यमन्त्री बहादुर सिंह लामा र महासंघकी अध्यक्ष सोभा ज्ञवालीले प्रथम हुन सफल महिला उद्यमी संघ तनहुँकी अध्यक्ष निर्मला मल्ललाई पुरस्कार र सम्मान पत्र प्रदान गरेका थिए ।
उक्त साधारणसभामा तनहुँबाट अध्यक्ष निर्मला मल्ल सहित महासचिव सरु श्रेष्ठ, सदस्यहरु मन्जु श्रेष्ठ र बेलु श्रेष्ठ सहभागि थिए । देशभरीमै प्रथम हुन सफल महिला उद्यमी संघ तनहुँले तनहुँका उद्यमी महिलाहरुको हक हितमा विभिन्न कार्यक्रम गर्दै आएको छ ।
