बन्दिपुर, पुस २२
बन्दिपुर केवलकार एण्ड टुरिजम लिमिटेडले आज पौष २२ गतेदेखि केवलकार सेवा पुनः सञ्चालनमा ल्याएको छ । कम्पनीका अनुसार, नियमित जाँच र सर्भिसिङ्ग पूरा गरी आजबाट केवलकार सेवा सुचारु गरिएको हो ।
यसअघि, नियमित मर्मत सम्भार तथा विद्युतीय सामग्रीको स्तरउन्नतिको लागि शनिबार र आइतबार दुई दिन केवलकार सेवा अस्थायी रूपमा रोकिएको थियो । कम्पनीले यात्रुहरूको सुरक्षालाई प्राथमिकतामा राख्दै आवश्यक मर्मत कार्य सम्पन्न गरेपछि पुनः सञ्चालन गरिएको जनाएको छ ।
कम्पनीले केवलकार सञ्चालनका क्रममा अन्तर्राष्ट्रिय मापदण्डको पालना गरिरहेको स्पष्ट गर्दै यात्रुहरूको सेवा निरन्तर सुरक्षित र विश्वसनीय बनाउने प्रतिबद्धता व्यक्त गरेको छ ।
