देवघाट, माघ १६
देवघाटधाम जेसिजले बुधबार माघे अौंशीमा स्नान गर्न देवघाट आएका भक्तजनलाई चिया वितरण गरेको छ ।
देवघाटधाम जेसिजले पिता, माता नभएका,गरिव र जेहेनदार विद्यार्थीहरूकाे अभिभावकत्व ग्रहण गर्नका लागि आज माघे औंसीकाे अवसरमा आयोजित “शिक्षाका लागि चिया” वितरण तथा अर्थ संकलन कार्यक्रम गरेको देवघाटधाम जेसिजका अध्यक्ष प्रशन्न ढकालले बताए ।
उक्त अवसरमा देशका विभिन्न क्षेत्रहरुबाट मेला भर्न आएका भक्तजनहरुलाई ७ हजार कप भन्दा बढी चिया वितरण गरिएको अध्यक्ष ढकालले बताए ।
यसैगरी देवघाटधाम जेसिजका २८ जना आकस्मिक स्वयंसेवकहरु देवघाटका विभिन्न स्थानमा विहान ७ बजेदेखि साँझ ५ बजेसम्म खटिएको अध्यक्ष ढकालले बताए ।
