तनहुँ । फागुन २७
स्थानीय तहको स्थापना दिवसको अवसरमा मंगलबार आबुँखैरेनी गाउँपालिकाले शुभकामना तथा सम्मान कार्यक्रम आयोजना ग¥यो । उक्त कार्यक्रमको राष्ट्रिय सभाकी सांसद सत्ता पक्ष दलका मुख्य सचेतक भगवती न्यौपानेले उद्घाटन गरिन् ।
उक्त अवसरमा बोल्दै सांसद न्यौपानेले अहिले विभिन्न प्रतिक्रियाबादी शक्तिहरुले संघीयता र यसका उपलब्धीहरु खोस्ने षड्यन्त्र गरेको भन्दै त्यसको विरुद्धमा सबै राजनीतिक दलहरुले संयुक्त रुपमा प्रतिबाद गर्नुपर्ने बताए । संघीयताको उपलब्धी स्वरुप अधिकार सम्पन्न स्थानीय तहहरु निर्माण भएको भन्दै न्यौपानेले स्थानीय तह मार्फत सिंह दरबारको अधिकार गाउँगाउँमा पु¥याईएको बताइन् ।
आबुँखैरेनी गाउँपालिकाले निकै राम्रो कार्यसम्पादन गरेको भन्दै न्यौपानेले शिक्षा, स्वास्थ्य, कृषि, पुर्वाधार र पर्यटनमा आबुँखैरेनीले गरेको प्रगति लोभलाग्दो र अन्यपालिकाले पनि अनुशरण गर्नुपर्ने खालको भएको बताइन् ।
गाउँपालिकाका अध्यक्ष शुक्र चुमानको अध्यक्षतामा भएको सो कार्यक्रममा गाउँपालिकाका विभिन्न क्षेत्रमा उत्कृष्ट काम गर्ने व्यक्तित्वहरुलाई सम्मान गरिएको थियो ।
