तनहुँ । चैत १९
गण्डकी प्रदेश सरकार स्वास्थ्य मन्त्रालय, प्रादेशिक क्षयरोग नियन्त्रण केन्द्र पोखरा र प्रदेश जनस्वास्थ्य कार्यालय तनहुँको आयोजना तथा म्याग्दे गाउँपालिकाको सहआयोजनामा एक्सरेद्वारा छाती रोग सम्वन्धि खोजपड्ताल सम्बन्धि शिविर हुने भएको छ ।
यही चैत २६ गते थर्पु आधारभुत अस्पतालमा हुने उक्त शिविरमा छाती सम्वन्धी कुनैपनि समस्या भएका नागरिकहरु उपस्थित भई स्वास्थ्य लाभलिनुहुन म्याग्दे गाउँपालिकाका अध्यक्ष श्रीप्रसाद श्रेष्ठले अनुरोध गरेका छन् ।
शिविरमा ५० बर्ष माथिका सम्पुर्ण नागरिकहरु, ईट्टा भट्टामा काम गर्ने कामदारहरु, ज्यालामजदुरी गरि जिवन यापन गर्ने नागरिकहरु, दिर्घकालिन रोग जस्तै दम, मधुमेह, एच आई.भी एड्स आदिबाट पीडित नागरिक र निरन्तर रुपमा खोकी लागि रहने व्यक्तिहरुले लाभ लिनसक्ने म्याग्दे गाउँपालिकाका स्वास्थ्य शाखा प्रमुख तिलकराज घिमिरेले बताए ।
