तनहुँ । चैत २६
बन्दिपुर गाउँपालिका वडा नम्बर ४ चुनपहरा स्थित पृथ्वीराजमार्ग सडक खण्डमा भिरबाट खसेको ढुङ्गाले लाग्दा मजदुरको मृत्यु भएको छ ।
पृथ्वीराजमार्ग सडक खन्डमा बाटोको काम गर्न प्रयोग भएको चाइनिज कम्पनीको जीटु–०१३ नम्बरको एक्साभेटर बिग्रिएर बनाउने क्रममा सोही एक्साभेटरका चालक जिल्ला व्यास नपा वडा नम्बर ९ बस्ने बर्ष नम्बर ४० को सुक बहादुर गुरुङको मृत्यु भएको जिल्ला प्रहरी कार्यालय तनहुँले जनाएको छ ।
भिरबाट अचानक खसेको ढुङ्गाले लागि घाइते भई मोती अस्पताल डुम्रे तनहुँमा प्राथमिक उपचार पश्चात थप उपचारको लागि सिएमसी अस्पताल भरतपुर चितवन रीफर भएकोमा उक्त अस्पतालका चिकित्सकद्वारा मृत घोषणा गरेको र सो सम्बन्धमा थप अनुसन्धान भईरहेको जिल्ला प्रहरी कार्यालय तनहँुका सुचना अधिकारी राजु अधिकारीले बताए ।
