विष्णु मगर । देवघाट, बैशाख २९
शिक्षक तथा जनजाती नेता सिद्धान्त गर्जा मगरले आफ्नो जन्मदिनको अबसरमा शैक्षिक सामाग्री वितरण गरेको छ । उनले गत बैशाख २७ गते आफ्नो जन्मदिनको अबसरमा बन्दीपुर गाउँपालिका–६ स्थित सेतीगंगा आधारभुत विद्यालयका ६८ जना विद्यार्थीलाई शैक्षिक सामाग्री वितरण गरेका हुन् । गर्जा मगर उक्त विद्यालयको प्रअ समेत हुन् ।
जन्मदिनलाई फजुल खर्च गरेर मनाउने परम्परा त्याग्नुपर्छ भन्ने मान्यताले आफ्नो जन्मदिनको अवसरमा विद्यार्थीहरुलाई शैक्षिक सामाग्री उपलब्ध गराएको गर्जामगरले बताए ।
गर्जामगरले शान्ति र क्रान्तिको परिकल्पना सहित सामाजिक क्षेत्रमा उल्लेखनीय कार्य गर्दै आएका छन् । तनहुँको दक्षिणी भेगको विकासको काममा उनले नेतृत्व गर्दै आएका छन् । समाजमा बसे पछि आफ्नो ज्ञान बुद्धि विवेक क्षमताले भ्याए सम्म समाज रुपान्तरणमा लाग्नुपर्ने मगरले बताए ।
पछिल्लो समयमा आफुले सक्ने सामाजिक क्षेत्रमा विभिन्न सहयोग गर्दै आएको उनले बताए । हरेक व्यक्तिले आफुसँग भएको क्षमताको सदुपयोग गर्ने हो भने समाज बन्नको लागी समय नलाग्ने उनको भनाई छ ।
