तनहुँ । असार २
म्याग्दे गाउँपालिकाका अपाङ्गता भएका व्यक्तिहरुलाई सहायता सामाग्री वितरण गरिएको छ । शारीरिक अपाङ्गता भएका व्यक्तिहरुको आवश्यकता पहिचान गरि उक्त सामाग्री वितरण गरिएको प्रमुख प्रशासकीय अधिकृत नारायणप्रसाद अधिकारीले बताए ।
वितरण गरिएका सामाग्रीहरुमा ४० थान लौरो, एक थान बेड, १३ थान ह्विल चेयर, ४० थान बैशाखी, एक थान चश्मा, एक थान प्याम्पर्स, तिन थान ट्वाईलेट ह्विलचेयर रहेका छन् ।
गाउँपालिकाका अध्यक्ष श्रीप्रसाद श्रेष्ठ, उपाध्यक्ष बालकृष्ण घिमिरे, प्रमुख प्रशासकीय अधिकृत नारायणप्रसाद अधिकारी लगायतले सोमबार उक्त सामाग्री वितरण गरेका थिए ।
